藝人古明華以代言人身份出席生髮產品活動，透露半年前開始甩頭髮，太太亦以「地中海」形容他，曾試過不同護髮產品，亦詢問過過來人張衞健意見，但情況仍未有改善，幸及後認識產品老闆，速成今次合作計劃。

問到脫髮是否壓力所致？他說：「壓力加上中年危機，之前試過好尷尬，明明洗咗頭，但整頭嘅同事話我多頭皮似冇洗，撞啱呢排忙緊劇集《逆天奇案》同排緊舞台劇，Keep唔到日日洗，依家見有效果，真係自信返晒嚟！（唔收錢都肯？）又唔好，咁嘅環境有錢收都好。」

談到武漢近日疑爆發疫症，問到他到國內工作時可會擔心？古明華坦言少不免會擔心：「身體係自己，但就唔會推工作，做好啲防禦功夫啦！同埋隨身帶住口罩。」